LPG Cylinder Price : મોંઘવારીના મોરચે થોડી રાહત મળી છે. ઓઈલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં ફેરફાર કર્યો છે. આજથી 19 કિલોના કોમર્શિયલ એલપીજી ગેસ સિલિન્ડરની કિંમતમાં 31 રૂપિયાનો વધારો થયો છે. દિલ્હીમાં હવે કોમર્શિયલ સિલિન્ડર 1,676 રૂપિયાના બદલે 1,646 રૂપિયામાં મળશે, કોલકાતામાં આ સિલિન્ડર હવે 1,756 રૂપિયામાં મળશે, પહેલા તેની કિંમત 1,787 રૂપિયા હતી.
મુંબઈમાં સિલિન્ડર 31 રૂપિયા ઘટીને 1,629 રૂપિયાથી 1,598 રૂપિયા પર આવી ગયો છે. ચેન્નાઈમાં સિલિન્ડર 1,809.50 રૂપિયામાં ઉપલબ્ધ છે. જોકે, 14.2 કિલોના ઘરેલુ ગેસ સિલિન્ડરની કિંમતમાં કોઈ ફેરફાર કરવામાં આવ્યો નથી. તે દિલ્હીમાં 803 રૂપિયામાં અને મુંબઈમાં 802.50 રૂપિયામાં ઉપલબ્ધ છે.
આ પણ જુઓ:- ગુજરાત ગૌણ સેવા પસંદગી મંડળ ભરતી આજથી ફોર્મ ભરવાનું શરુ, જુઓ સંપૂર્ણ માહિતી ગુજરાતીમાં
ઘરેલું સિલિન્ડરની કિંમતો સ્થિર- ઘરેલુ LPG સિલિન્ડરની કિંમતોમાં કોઈ ફેરફાર કરવામાં આવ્યો નથી. તેમાં છેલ્લે 9 માર્ચ, 2024ના રોજ સુધારો કરવામાં આવ્યો હતો અને કિંમતમાં 100 રૂપિયાનો ઘટાડો કરવામાં આવ્યો હતો. સ્થાનિક એલપીજી સિલિન્ડરની કિંમત દિલ્હીમાં 803 રૂપિયા, કલકત્તામાં 829 રૂપિયા, મુંબઈમાં 802.50 રૂપિયા અને ચેન્નાઈમાં 818.50 રૂપિયા છે.
1 જૂન, 2023 ના રોજ, દિલ્હીમાં ઘરેલુ એલપીજી સિલિન્ડરની કિંમત 1,103 રૂપિયા હતી. કંપનીઓએ 30 ઓગસ્ટ 2023ના રોજ 200 રૂપિયાનો મોટો કાપ મૂક્યો હતો અને ત્યારથી તેની કિંમત ઘટીને 903 રૂપિયા થઈ ગઈ હતી. ત્યારબાદ 9 માર્ચ, 2024ના રોજ કંપનીએ તેની કિંમતમાં 100 રૂપિયાનો ઘટાડો કર્યો હતો.
